م. الأول :
بالظبط كده يا دكتور، ده نشف دمنا الله ينشف دمه، ده سيادتك تعمل فيه بلاغ بتلات تهم؛ أولا: التهجم على مكتب حكومي وإطلاق النار فيه، ثانيا: الاعتداء على موظف عمومي أثناء تأدية وظيفته، ثالثا بقى: الشروع في قتلى مع سبق الإصرار والترصد.
صفر :
وانا راخر بلاغ يا سعادة البيه، عايز بلاغ.
الدكتور :
عشان إيه؟
صفر :
بلاغ بقطع عرق الخلف يا بيه، دانا مايكفنيش ولا ميت ألف جنيه تعويض، والله بعد الخضة اللي اتخضيتها ما حأخلف أبدا، وانا غلبان وصاحب كوم عيال.
الدكتور :
بس أهم من البلاغات دي كلها إني أبلغ فيك إنت يا سيد مدير عام مساعد؛ لأن إنت السبب في ده كله، إزاي واحد باين عليه نضيف ومتربي، يغش ويدلس يدخل أخوه المستشفى وياخد أرضه؟
نامعلوم صفحہ