فرفور :
وفيها إيه، إنت عارف الدول عايزة تضحيات، فأنا مضحي أهه بخمسة من عندي قصاد واحد من عندك وموش عاجبك كمان!
السيد :
طيب وبعض التضحيات والاسم؟
فرفور :
يبقى خلاص، بقينا دولة، إمبراطورية بحالها، إمبراطورية فرفوريا العظمى.
السيد :
ومين بقى الإمبراطور؟
فرفور :
لأ، لأ، لأ، دي موضة قديمة أوي حكاية الإمبراطورية يبقى فيها إمبراطور واحد بس، آخر صيحة في عالم الإمبراطوريات إن كل مواطن فيها يبقى إمبراطور، فانت حتبقى إمبراطور وأنا إمبراطور.
Unknown page