نصار :
تكسره؟ دا يا بني باب زان أنا اللي عامله على إيدي. إن كنت جدع اكسره. انت مش عايز تثبت إنك راجل؟ اكسره إن كنت راجل.
سعد (وهو ينهال على الباب خبطا ودفعا) :
افتح بقول لك، وديني أرمي نفسي م الشباك.
نصار :
دا حديده مايفوتشي دراع. ارمي.
سعد :
افتح يا حاج نصار. افتح بقول لك. دا مش شغل رجالة ... دا شغل جبانات. افتح ... افتح يا جبان.
نصار :
أنا جبان يا بني؟ معلهش. بكرة لما تخلف تعرف أنا عملت كده ليه ... وساعتها حاتعرف إن أبوك ما كانش بيعمل كده لأنه جبان. (يتوج كلامه الأخير بهدير مدافع من الخارج.)
صفحه نامشخص