أسماء الممثلين‏

الفصل الأول‏

الفصل الثاني‏

أسماء الممثلين‏

الفصل الأول‏

الفصل الثاني‏

الخدامين والمخدمين

الخدامين والمخدمين

تأليف

محمد عثمان جلال

Página desconocida

أسماء الممثلين

البيك:

المخدوم.

الحاج سالم:

مخدم تمن باب الشعرية وإبراهيم صبيه.

خدامين:

سيد وأحمد.

اثنين حمارة.

جملة خدامين.

فرغلي:

Página desconocida

مخدم تمن الموسكي.

الفصل الأول

المنظر الأول (البيك المخدوم، والحاج سالم المخدم، وصبيه ابراهيم)

البيك :

يا حج سالم أنا أقريك السلام

إنت اختيار صالح كمان راجل تمام

اعمل معي معروف وخليك مستوي

وانضر لنا سقا يكون راجل قوي

يطلع القربة ويكلف لي الحمار

وياخد المقطف يجيب لحمة وخضار

Página desconocida

لكن أنا بدي الأمانة يا جدع

ولا أحب الزور وأفعال البدع

ومرحبا بك في جميع ما تطلبه

بس انت ساعدني على اللي أرغبه

الحاج سالم (لصبيه إبراهيم) :

ده يا إبراهيم انده لأحمد أو علي

وإن كان غايب هات عمك فرغلي (ويقول للبيك):

والا أجيب سيد لأنه واد نضيف

في كل مشوار تبعته تلقاه خفيف

وإن كان في شبره والا مهمشه

Página desconocida

تشيعه المغرب يجي قبل العشه

يستنضف اللحمة ويعرف في الخضار

وإن قلت له طير يا جدع في الجو طار

وتعمله قواس والا بلطجي

ويعمل القهوة وأبوه كان قهوجي

البيك :

وعند مين دا كان خدم يا هلتره

كان عند راجل يا ترا والا مره

الحاج سالم :

كان عند ابوه في خدمة القهوة صبي

Página desconocida

بعدين فتح زيات عند الإتربي

يا دوب خمس تشهر على بيع الشكك

أما زباينه كلهم كانوا شرك

أكلوا عليه المال وهو لاخر أكل

راح سلم المفتاح وللدكان قفل

جاني على القهوة طلب خدمة قوام

جت قسمته والعيش عند الشيخ إمام

البيك :

وليه خرج من عند دا واش لو سبب؟

الحاج سالم :

Página desconocida

أمر المشايخ في الخدامة دا عجب

بقا أقول لك على السبب وأخبرك

وأفطنك عللي حصل وأنورك

لما دخل سيد ببيت الشيخ إمام

قعد يبين له الحلال من الحرام

ويقول استنجى وتوضا وقوم

صلي وخلي للصلا بدلة هدوم

وإن كان للخدمة أهي الخيشة منه

والبير اهيا الحمد لله عندنه

وتغسل الحوض الكبير وتبخره

Página desconocida

وفي الكنيف لبريق ديما تحضره

وعندنا القربة وعندنا الحمير

تملا لنا القربة من البحر الكبير

وتروح للجامع تجيب ستين رغيف

لكن تنقيهم من العيش النضيف

وكل يوم تبيع لنا العيش القديم

ويكون معك في السوق عبد الشيخ سليم

وكل شيء تسلمه لي بالعدد

اوعى يغشك حد في السوق يا ولد

طهق من الخدمة وكتر المرمطة

Página desconocida

والشيخ دا لاخر يحب المظرطة

قوم يا ولد هات الجراية وعدها

ونضف البغلة قوام وشدها

ويطخخه مشوار التمن السيدة

من شان عزومة وكل يوم على كدة

حتى انبرى عظمه وجسمه اتنحل

كان اتولد لا شك في طالع زحل

أدي السبب أما الولد قوي صليح

ويختشي العيبة وفي الخدمة مليح

البيك :

Página desconocida

وبعد ما فات الإمام راح عند مين؟

الحاج سالم :

أخده يهودي اسمه الخواجة بنيمين

زعل من السيرج ومن بيض الفراخ

وخاف ينصاب بالعمى ولا النفاخ

يا دوب تلت تشهر قعد عنده وفات

لو كان فضل شهرين كماني كان مات

البيك :

بعد اليهودي يا ترى مين جا خده

والا فضل زي الحمار في مدوده

Página desconocida

الحاج سالم :

جاني أبو حمزة وهو شيخ دهمشه

وكان مجوز مرة في مهمشه

وكل يوم يطخخه مشوار كبير

وهو على الرهوان وعامل لي أمير

وصار يروح الغيط يشقر علدره

فوق الحصان والواد يجري من وره

والأكل من بتاو واسمه حندويل

أما الغموس من مش فيه الدود طويل

وإن غلط ليلة وكان عنده طبيخ

Página desconocida

تكون بصارة أمر من ماء الفسيخ

والا جمل عيان والا طور فطيس

مللي يكون موجود في سوق الخميس

ما صدق إنه يوم مع سيده حضر

جاني وقال ما فيش في عينك نضر

ما عدت أروح لا عند دا ولا عند ده

هوا تقصد بخت والا عند ده

أهو جا ... ... ... ...

المنظر الثاني (الحاج سالم، والبيك، وسيد الخدام)

الحاج سالم (لسيد) : ... بوس إيد سيدك يا ولد

Página desconocida

أحسن من اللي كنت عنده في البلد (سيد يبوس إيد البيك ويقف.)

البيك :

لك أب؟ ... ... ... ...

سيد : ... ... أبويا مات ... ...

البيك : ... ... ... ... وأمك؟ ...

سيد : ... ... ... ... ... ميتة

البيك :

وفين حوايجك؟ ... ...

سيد : ... ... كلها مشلتتة

البيك (للمخدم) :

Página desconocida

يا حج سالم خد جنيه وروح معه

واحفض كلامي اللي اقوله وتسمعه

سوق المؤيد فيه قمصنجي شهير

اسمه عمر وله هناك مخزن كبير

هات له قميص ويا لباس وعنتري

وبعد ما تقبض فلوس وتشتري

ارجع معه واديني بستناك هنا

أعطيه أنا جزمة من اللي عندنا

وأديه كمان طربوش يغير سحنته

وأشيعه الحمام ينضف جتته (ويروحوا.)

Página desconocida

البيك (لوحده) :

أهو بس بصرف في فلوس من غير لزوم

ما أصدق الخدام على الخدمة يدوم

ركه على شهرين ثلاثة وإن شبع

يسمع كلام مخدمه ويتبع

لما يجي ياخد الجعالة يبص له

ومن الكلام اللي معاه يرص له

ويعلمه السرقة ويسقيه العوج

ويقابله في كل يوم إذا خرج

من أجل ما يقسم معه اللي طيره

Página desconocida

وإن خرج يجيب زيه يغيره

هي كدا ماشية مع المخدمين

لا مخدمين تصدق ولا خدام أمين

المنظر الثالث (الحاج سالم، والبيك، وسيد)

الحاج سالم :

أهو اشتريت له جلبية علقياس

وجبت له قميص وجبت له لباس

وجبت له بلغة وطربوش مغربي

ودفعت من جيبي ريالين والنبي

فتك بعافية ... ... ... (ويقول لسيد): ... ... وانت خليك مستقيم

Página desconocida

في خدمتك والبيك دا راجل عظيم (ويروح.)

المنظر الرابع (البيك، وسيد)

البيك :

قولي انت يا سيد بقا على الصحيح

بلفظك الرايق وقولك دا الفصيح

هو المخدم في غيابي قال لك إيه

على السلوك اللي يريد تمشي عليه

إنت بقيت ابني وصرت في ذمتي

لما أتيت بيتي وصرت بخدمتي

قول علصحيح لا تختشي ولا تخاف

Página desconocida

ولا تعاكسني ولا تقصد خلاف

سيد :

قالي لي إذا أعطاك مخدومك فلوس

إن كان ثمن للشمع أو حق الفنوس

والا عطالك تشتري لحمة وخضار

ولا العليق اللي يجيبه للحمار

قربط على خمس الفلوس اللي معك

واوعى تقول حاجة لواحد يسمعك

وإن شيعوك في البيت تجيب شبت أو جرجير

إن كان قليل اللي انطلب والا كتير

Página desconocida

اسعى على البقشيش من اللي رحت له

لا بد يعطيك شيء لما تسأله

مع ابنهم إن شيعوك خليك لطيف

حين يدخل الكتاب خد منه رغيف

واغويه على طلب الفلوس وسلطه

لجلن إذا قابل أبوه يورطه

لو قرش تعريفة عطاه خد ملمين

هيا الفلوس أمال تجي تجري منين

وإن اشترى سيدك بنفسه حاجته

اوعى تجيب سيرة والا تحدته

Página desconocida

بس انت طير في خشب وفحم كوك

واوعى لنفسك يا جدع لا يمسكوك

وعور القربة وقطع في سلب

وكل يوم اطلع لسيدك في طلب

البيك :

وانتا بقى واجب عليك تعمل كدة

ومين يآمن بس راجل زي ده

سيد :

وليه أنا أعمل كدة غرشي كلام

ما حد يتجاسر كدا الا ابن الحرام

Página desconocida