يظهر منظر سعاد وهي جالسة في حجرة نومها في منزل أبيها بالعروسة في يدها. وهي شاردة. تضع العروسة جانبا. تقف وتتطلع إلى نفسها في المرآة.

تدخل الدادة. تعانق سعاد.

الدادة :

أهلا ست سعاد! يا مرحبا! أتاري الدنيا منورة!

سعاد :

أهلا دادة. ازيك يادادة وازي صحتك؟

الدادة :

صحتي؟! هو انت من بعد ما سيبتي البيت حد فيه صحة! وابوكي يا عيني رقد فيها شهر وبقى ما حدش عارف يكلمه. وامك ليل ونهار عياط. ده احنا شوفنا أيام سودة سواد! بركة يا بنتي اللي رجعتي بركة! (يدخل الأب في خطوات ثقيلة حزينة. ينظر إلى سعاد وهي جالسة حزينة. يجلس على كرسي بعيد عنها. تمر لحظة صمت.)

الأب :

يعني لو كنت سمعت كلامي من الأول؟

Unknown page