إهداء
الترحال
الثريا
الجنابية
سكر برة
ما بين التوبة والنسيان
حداية
نأنوءة
شمس
يبكي سكر
صفحة غير معروفة
أوتار
مينيسيا
اختراع الناي
المولد
سيمفونية الوردة، والبندقية
السحر
الانتظار
إهداء
الترحال
الثريا
صفحة غير معروفة
الجنابية
سكر برة
ما بين التوبة والنسيان
حداية
نأنوءة
شمس
يبكي سكر
أوتار
مينيسيا
اختراع الناي
صفحة غير معروفة
المولد
سيمفونية الوردة، والبندقية
السحر
الانتظار
شباكي بيطل ع الأجرام
شباكي بيطل ع الأجرام
تأليف
محمود أحمد بيومي
إهداء
إلى جاذبية؛ أمي «رصوا الأماين على ضهري،
صفحة غير معروفة
وآدوا النار يا ليل.
لا سيف جرحني،
ولا ضرب نار يا ليل.»
1
إلى المعلم أحمد بيومي؛ أبي
من تقرأ اسمه على كل البنايات التي شيدها، وهو الأمي.
ظهري، وأعصابي.
ورفع أبويه على العرش .
إلى إخوتي
وبالنجم هم يهتدون .
صفحة غير معروفة
إلى أصدقائي «يحشر المرء مع من أحب.»
إلى البنت ...
التي علمتني أن الحب لا يكون إلا من أول نظرة، وحب الطفولة. «الزمن ف الحب وحدة قياسه بتختلف.»
والتي علمتني أن الحب ليس شرطا أن يكون من أول نظرة، وكتبت أول الشعر فيها، وعصيت علي قصيدة فيها تسع سنين، وانتظرت. «دبلان يا بنت الريف.»
والتي علمتني أن الحياة قاسية. «قصيدتي مش هاسميها باسمك.»
والتي استراحت عندما بكت في حضني المجازي، وتركت قبلتها على خدي وغادرت وهي تردد: «حسبي الله ونعم الوكيل.» «أنا قلبي ناي، وإذا كان مكسور هايغني ازاي.»
والتي أتت متأخرة، فلم تجد غير الحطام. «أنا قلبي بعد الجرح أصبح سبيل.»
إلى البنت الأخيرة «حزين عليك لدرجة الكتمان.»
إلى أمنية
لم تتحقق.
صفحة غير معروفة
إلى نجم الدبران
الحب من غير أمل.
ونجمات الثريا
فاتنة السماء، وحبيبتي الأزلية الأبدية.
إلى الشمس، والقمر
أبوي في كون مواز.
إلى الفيزيا، والزمان، والمكان، والنجوم، وعلم الفلك، وشجر الكافور، والنخل، والتوت، والقمح، والتين.
إلى الشعر «قالوا نعدك معانا، قلت عدوني.»
إلي ...
محمود
صفحة غير معروفة
لا الرحلة ابتدأت ...
محمود درويش
الترحال
مسنود عليك،
مسنود!
روحك روايح العود،
صوتك وتر
تون عليه العود،
واعزف يا ليل موعود،
روحي تجيك ماتعود،
صفحة غير معروفة
متمسنيش يا دود،
متكلش عكازي.
لولا النجوم السود،
كنت القمر غازي.
قلبك يا ليل الأسى
ما راح اخليه حي،
قلبك يا ليل لو عمى،
أنا غزوي لونه ضي! •••
يا جدة ليه ضحكتك
سودة سواد خرقتك؟
صفحة غير معروفة
بصي لفوق ع السما
تلقي النجوم ولفين.
طب ليه تروح ولفين،
ياللي نويت السفر!
عارف؟
أكيد عارف،
قلب الطريق م الحجر
ملهوف عليك، خايف،
خريف ورق الشجر.
طب ليه تروح ولفين؟! •••
صفحة غير معروفة
لازم تعيش يا ياسين،
وتعيشي يا بهية،
كل الولاد عطشانين،
كل البنات مايه! •••
مسنود عليا اياك!
عمري ما اكون مرساك،
كل العيون ميادين،
كل السنين نكراك.
عين مين تساعك مين؟!
وسع التراب ما كفاك!
صفحة غير معروفة
والهجر ماهوش حل،
والغربة خالية الضل.
كل الليالي طوال،
لو كنت واد قوال،
الليل ملهش ودان.
شمس الغريب ضلمة،
حتى ولو كانت ... شايلة القمر كفاك!
نفسي اسألك، ممكن؟
عارفك طويل البال،
وسع التراب ما كفاك.
صفحة غير معروفة
إيه بدل الأحوال؟
والحزن ليه كفاك؟
غنوتها،
غنوتها دمتني.
وان كنت يوم مفرود
دلوقت أنا محني؛
عكازي واكله الدود!
متقلهاش غني «آه يا ليل يا ليل، يا ما طال الليل.»
1
متغنيش «رصوا الأماين على ضهري وآدوا النار يا ليل.»
صفحة غير معروفة
1
متوجعنيش «لا سيف جرحني، ولا ضرب نار يا ليل.»
1
عرفت ليه مسافر
وصوتي دامع منتحب؟!
لو جت ف يوم من تحب،
ورياح غضبها هب،
وقالت لك: أنت السبب،
ياللي كلامك كدب،
أنسى القلم لو كتب،
صفحة غير معروفة
بيني وبينك نسب.
واقلب مديحك سب،
تبت حروفك تب! •••
ياللي ف هواك القلب
شابب، وحب، وطب.
أنا خيري لم يحتسب،
أنا خيري لو يحتسب؛
يملى السما للركب.
وأنا شعري آه انتسب
للي مقلش الشعر،
صفحة غير معروفة
ياللي انتشيت بالرضا،
قلبي انتشى بالكبر!
يا ابو العيون ميادين،
لو مش مصدق روح،
تلقاها عند الطين،
واهي عارفة قصتنا،
اسألها: ليه؟
هاتبوح.
ليه كارهة بصتنا،
ومتحكيهاش عني،
صفحة غير معروفة
أنا سيرتي بتأني،
تسمع أناها عديد.
كتفه الشمال مايل؛
من تقلة الشايل.
كتفه اليمين ميال؛
من خفة المتشال.
وف سكته طريقين؛
راح يمشي ف الاتنين،
يوصل تقيل شيله،
قبل الخفيف متشال.
صفحة غير معروفة
يا قسوة الترحال!
مسكين يا واد، مجبور،
قلبك أراضي بور
ممسهاش مايه.
أنت الحصان عايش،
والمهرة مش حية.
والمغرمين طاروا،
والمغرمات باروا،
وأنت الوحيد عايش!
مسكين يا واد قوال،
صفحة غير معروفة
كل الليالي طوال،
وأنت الوحيد عايش!
يا قسوة الترحال!
2013م
أوفى من الحادي/الدبران، وأغدر من الثريا.
مثل عربي قديم
الثريا
تخاف الضلمة ولا النور؟
أخاف النور.
أنا أملي أعيش مستور،
صفحة غير معروفة
لا أنا مكشوف ولا متهان.
أنا تايه،
وحلوة الضلمة في التوهان!
أنا الخسران،
حاجات ياما متتعدش،
ولما أحسبها ألاقيني أنا الكسبان.
وهي تقول متحسبنيش،
أنا قلبي تملي جعان.
ونظرتها مبتكفيش!
جميلة حببتي زي العيش،
صفحة غير معروفة