الشيخ متلوف
أسماء المشخصين
الفصل الأول
الفصل الثاني
الفصل الثالث
الفصل الرابع
الفصل الخامس
الشيخ متلوف
أسماء المشخصين
الفصل الأول
صفحة غير معروفة
الفصل الثاني
الفصل الثالث
الفصل الرابع
الفصل الخامس
الشيخ متلوف
الشيخ متلوف
تعريب
محمد عثمان جلال
الشيخ متلوف
وهي قطعة مركبة من خمسة فصول
صفحة غير معروفة
كم غبي مذبذب يتوارى
وإذا بان بان وهو مرائي
لا إلى هؤلاء إن نسبوه
يجدوه ولا إلى هؤلاء
أسماء المشخصين
الست أم النيل:
والدة غلبون.
غلبون:
زوج أنيسة.
أنيسة:
صفحة غير معروفة
زوجة غلبون.
سامي بن غلبون:
من غير أنيسة.
مريم بنت غلبون:
من غير أنيسة.
أحمد نبيه:
عاشق مريم.
سلمان:
أخو أنيسة.
الشيخ متلوف:
صفحة غير معروفة
منافق وعامل صالح بالكذب.
بيهانة:
خادمة مريم.
عبد العال:
قواس.
واحد عسكري:
جاويش.
كعب الخير:
خادمة الست أم النيل.
الفصل الأول
صفحة غير معروفة
واللعب في بيت غلبون
المنظر الأول (الست أم النيل وأنيسة ومريم وسلمان وسامي وبيهانة وكعب الخير)
الست أم النيل :
يالله بنا نروح قوام يا كعب الخير
دولا جماعة الكل ما فيهمش خير
كعب الخير :
هوا جرى حاجة هنا يا ستنا
حتى نروح برا ونترك بيتنا؟
أم النيل :
كتر الكلام ما لوش نفع يالله بنا
صفحة غير معروفة
راح أقعد أتلفت هناك ولا هنا
كعب الخير :
بس الخروج دا ليه وأنا شايفة الجميع
من تحت أمرك كلهم سميع مطيع؟
والكل تحت اليد فللي تأمريه
تقدمي اللي تقدميه وتأخريه
أم النيل :
لا والنبي ما أقعد ولا بقيت أقيم
دي مش معيشة دا مرض وعذاب أليم
ريقي نشف ما حد سامع كلمتي
صفحة غير معروفة
حتى لساني ما دخل في شفتي
حمام بلا ميه وأنا في وسطكم
عاملة عرافشة هو أنا مش ستكم؟
بيهانة :
هو حد قال حاجة ولا اتنفسم؟
دي كتمة إيه! والله المساكين يفطسم
أم النيل :
وكمان خدامة وتتحاكي معي
يالله قوام من بيت ابني اطلعي
في كل يوم حلقك علينا تفتحي
صفحة غير معروفة
وتغجري لي بالعجل وتقبحي
سامي :
بس إيش جرى؟ ... ... ... ...
أم النيل : ... ... ... ... اخرص وإلا أقول لبوك
هما اللي كانوا علموك ما أدبوك
تحكي كلام فارغ هنا ما تختشيش
هو انت سكران بس أو واكل حشيش؟
مريم :
يو بس ما لك؟ ... ... ...
أم النيل : ... ... ... ... اسكتي أوعي تنطقي
صفحة غير معروفة
أما صحيح إن الشقي عمره بقي
يا ساهية من تحت راسك كل ده
هو حد زيك في البنات يعمل كده
أنيسة :
ما لك كده؟ ... ... ... ...
أم النيل : ... ... ... بس اسكتي في عرضك
آه إن عملتي ما عملتي برضك
حق اللي زيك عاقلة ومأدبة
ديما لحاجة بيتها مرتبة
وبس في اللبس الكويس فالحة
صفحة غير معروفة
وتخرجي طول النهار يا قارحة
شفنا النساء الأحرار ما يزينوا
إلا لأزواجهم ولا يتبينوا
سلمان :
وبعد دا كله؟ ... ... ...
أم النيل : ... ... ... بقا انت التاني
اللي حكيناه راح نعيده تاني
شوف أم أقول لك يا جدع بالمرة
اسكت ولا قوم واخرج برة
غلبت ساكتة لك وانت برضك
صفحة غير معروفة
حشم شوية واختشي في عرضك
خلي الوداد ما بيننا متاصل
وإلا أقول لابني وأزعل واصل
سامي :
ما حد مبسوط عندنا إلا الفقي
يبحث على الرايق ومنه يستقي
أم النيل :
طيب كماني والفقي دا ما له
راجل مصلي متقي في حاله
واجب عليك إنك تقبل يده
صفحة غير معروفة
وتستمع قوله وتبقى عبده
وإن كنت تتجنن وتغلط مرة
في حضرته لأغضب عليك بالمرة
سامي :
إيش الكلام ده مين هنا يتحمله؟
دايما مبوز واللي جاله تلتله
قاعد ومتحكم وعامل محتسب
والله قليل بس الراجل ده إن كسب
بيهانة :
ومقمط الحكمة وطالع فيها
صفحة غير معروفة
وإن شاف لعبة بالعجل يخفيها
وإذا رأى واحد يهزر يشفره
ويطلع أخلاقه عليه ويكفره
أم النيل :
الحق بيده دا بطل من الفحول
جسمه صبح من العبادة في نحول
ومقصد ابني تسمعوا كلامه
وتلزموا كل الحيا قدامه
سامي :
والله أبويا أبدا ما يمكنه
صفحة غير معروفة
من كل أغراضه بنا يمكنه
ولا أشوف ذاته ولا أقعد معه
وإن كان يتكلم أنا ما أسمعه
لا بد لي عن يوم أوريه دا القبيح
وأفرجه إن كان مذبذب أو صليح
بيهانة :
أما عجايب عندنا وعار كبير
راجل فقير يجي هنا يعمل أمير
ما يفتكر لما دخل حافي هنا
وجبته من العرق مدهننا
صفحة غير معروفة
والحتة القفطان كلها رقع
وأكمام قميصه مقرقفة من البقع
قوام نسي أصله وحالته تغيرت
وبعدها نفسه علينا تكبرت
أم النيل :
إش وصلك برضه أمير طاهر نضيف
ريحته ترد الروح وملبوسه ظريف
صالح يخاف الله وحالته باهرة
يحكم عليكم بالنفوس الطاهرة
بيهانة :
صفحة غير معروفة
والله يا ستي صلاحه ده نفاق
والخبث والتزوير فيه بالاتفاق
أم النيل :
إش وصلك تحكي؟ ... ...
بيهانة : ... ... ... ومين يستأمنه
لما يجيب واحد أمين ويضمنه؟
أم النيل :
الشر بره هوا خدام ينضمن
دا سيد أمير عاقل مؤدب مؤتمن
لكن من يحكي ولو على أبوه
صفحة غير معروفة
ويقول على الدغري قوامك تكرهوه
هوا عدوه المذنبين ويا الذنوب
ولا يحب إلا الشقي يومن يتوب
بيهانة :
وليه يغير لما يشوف واحد يجي
إن كان زايرنا وإلا مرتجي
له بس كم يوم في الأماير دي طلع
وكلما يشوف حد زاير ينفقع
بدي أقول لك حين نكون لوحدنا (وتشاور على أنيسة.)
اليوم بشوفه يغير كتير على ستنا
صفحة غير معروفة
أم النيل :
اتفكري في اللي تقوليه واخرصي
أوعي تزيدي في الكلام وتنقصي
واجب عليه إنه ينقمر بالكلام
على الرجال اللي يجونا في زحام
وكل يوم على الباب حمير بلا عدد
وكلهم مستخدمين وأولاد بلد
وأغلب الجيران ضجت مش مليح
وإن كان أكترهم يحبونا صحيح
لكن كلام الناس من زيد أو شعيب
صفحة غير معروفة
في حقنا بالله عليكم موش عيب
سلمان :
يبقى على دا أمال نبطل دا الحديت
ونفض أكل اللحم مع شرب النبيت
وإن جا حبيب يسأل علينا نطرده
من شان كلام الناس وعنا نبعده
لو كان علينا ألف سور من النحاس
وإلا فداوية تقول بالسيف حاس
برض الكلام ما ينقطع وأحسن لنا
نعوم ونحرس في المياه تيابنا
صفحة غير معروفة