أنا كنت وراكي، أنا أبوكي.
شفيقة :
سمعتك بس، وكنت حارجع من السكة.
الأب :
مفيش ميت يرجع (فترة)
مفيش غيرها الغازية الموعودة، ماتت ناقصة عمر. (موسيقى) (وراح لها الهاتف على قبرها، ونادى عليها، يا نايمة في تربتك. قومي إوفي الدين اللي عليكي قومي، انتي لسه باقي عليكي، اللي عليكي مخلصشي، انتي سبتي الحمل بتاعك هنا بره، قومي، قومي، قومي، قومي، قومي، قومي، قومي.) (يظلم المسرح)
الأب :
في كل ليلة كان يروح لها الهاتف، لحد ما قامت من تربتها.
شفيقة :
أنا قمت بعد ما عترت، وكنت حارجع لما سمعتك.
صفحة غير معروفة