م. الأول (مفكرا) :
في العيلة؟ آه، عمته قبل ما تموت بسنة جالها حالة دروشة وسابت البيت، وراحت قعدت جنب الحسين، وكنا نجيبها تهرب تاني وتروح هناك، وتقول: أنا جاني الأمر إني ما اتحركش من جنبه.
الدكتور (قارئا بلهجة روتينية) :
هل سبق للمريض أن أصيب بمرض عقلي؟ هل تم حجزه بإحدى المصحات؟
م. الأول :
دي أول مرة يا افندم.
الدكتور (ملقيا نظرة على الاستمارة) :
آه لا مؤاخذة، نسينا السن؛ سنه كام سنة؟
م. الأول :
هو من مواليد 1937 يعني 29 سنة.
صفحة غير معروفة