الدكتور :
المدام بتاعة سيادتي أنا؟ إيه اللي يجيبها هنا يا أخينا؟ دانا بقالي عشر سنين في المكتب ده، عمرها ما دخلته ولا حتى كلمتني بالتليفون فيه. اسألها كويس، هي مين؟ وعايزة إيه؟ واصحى كده وفوق جتك البلى.
صفر (مغمض العينين) :
اللهم فوقك يا روح، أنا اللي أفوق.
السيدة (من على الباب) :
استنى عشان أدخل، لازم كنت بتعمل حاجة وعايز تخبيها.
الدكتور :
حنيفة؟ (يبدو عليه ذعر مفاجئ شديد وذهول، ويبتلع ريقه من حلق جاف) .
السيدة :
الله، مالك؟! لازم فيه حاجة، أنا قلبي بيقول لي إن فيه حاجة حصلت، كان مين هنا يا باش تمرجي؟
صفحة غير معروفة