أهي بتبتدي كده، الواحد يروح يتفرج يلاقي نفسه مكلفت في جوازة، أهم قدامك أهم، نقي يا عم اللي تعجبك.
السيد :
يعني أجمد قلبي يا وله يا فرفور وأختار، توكلنا على الله، (يدور بعينيه في خلال الصالة والجمهور)
إيه رأيك في دي يا فرفور، والله دي، باين عليها مش بطالة أبدا، ولا استنى استنى، إيه رأيك في اللي قاعدة هناك دي، دي جنان خالص.
فرفور :
اللي قاعدة هناك دي؟
السيد :
أيوه.
فرفور (يضربه على رأسه بالمقرعة) :
دي أمي يا وله.
صفحة غير معروفة