السيد :
خلاص، اسأل المؤلف، أنا مالي أنا، هو اللي مألفك يعرف شغله معاك ح تدوشني أنا ليه.
فرفور :
دي مسألة بالعقل، لا عايزة مؤلف ولا حاجة، هو انت يا أخي مش بني آدم زيي بالضبط، حتى إذا مشينا ورا داروين انت اتطورت من قرد وأنا اتطورت من قرد زيك.
السيد :
مين عارف يمكن جدك القرد ده كان قرد فرفور عند جدي.
فرفور :
مفيش في القرود أسياد ولا فرافير أبدا.
السيد :
يبقى خلاص انت معايا بقى إن البني آدمين بس هما اللي بيقدروا يبقوا أسياد وفرافير.
صفحة غير معروفة