عبد الستار أفندي: كوميديا مصرية أخلاقية ذات أربعة فصول

خليفة :

اللي يتكل على الله ربنا ما يخيبوش.

المشهد الثامن (خليفة - جميلة - هانم)

هانم (مارة بالقهوة) :

صباح الخير يا ستي (لا ترد جميلة)

صباح الخير يا ستي دنا مودية القهوة للعريس. موش عاوزة تردي علي. طيب معلهش (تدخل المندرة) .

جميلة :

يا خليفة البنت دي بطالة خالص.

خليفة :

عمري يا بنتي ما شفتش واحدة بطالة زيها. دي بلا قافية تخرب بلد وتقعد على تلها. دي تقدر على اللي ما يقدرش عليه الشيطان.

صفحة غير معروفة