عبد الستار أفندي: كوميديا مصرية أخلاقية ذات أربعة فصول

مين اللي كان بيسرخ ويزعق؟ ما بتردوش ليه؟ هو أنا يعني واحد مهزأ قدامكم! مين اللي كان بيزعق؟ مين ياما؟

نفوسة :

دا المدهول على عينه خليفة والبت هانم كانوا عمالين يزعقوا سوا.

عفيفي (ينظر من الشباك) :

خليفة! يا عم خليفة! يا خليفة آه يا ستين حمار في بعضك. يا خليفة يا دقن تعيتع يا شيبة عرعر. إنت فين؟! (لنفوسة)

ما بيردش.

نفوسة :

والله وقعتك زي الطين يا خليفة.

عفيفي :

خليفة! ما ترد. إنت فين؟!

صفحة غير معروفة