زكية :
إيه ... معناها إيه دي يا منصور؟
منصور :
من ناحية بعت ... أيوة بعت. لكن بعت إيه بقة مش مهم.
زكية :
حتبيع إيه يا منصور؟ هو انت عندك حاجة غير الرواية؟
منصور :
طبعا عندي حاجة غير الرواية يا زكية، عندي حاجة مهمة خالص، أهم من الرواية، كنت شايلها في حتة مكينة ومخبيها بطريقة جهنمية، بحيث مافيش حد يقدر ياخدها مني، وامبارح في نص الليل فكرت كده وأنا قاعد لوحدي: يا واد حتفضل شايلها كده لإمتى، ما تبيعها وتخلص منها بدل ما انت شايلها كده فوق قلبك زي الهم على القلب، واهو كمان يجيلك من وراها قرشين تسدد ديونك.
زكية :
بعت إيه يا منصور؟ قوللي.
صفحة غير معروفة