قلت محاولا تنبيهه إلى جوهر القضية: ما مسألة جمال.

قال بسرعة: مسألة شنو؟ في نسوان في الدنيا عرفن الموضوع دا أكتر من نسوان تانيات «أخريات؟» في نسوان مخلوقات من طين ووحدات من نار؟ أنا عايز أفهم؟

قلت له محاولا أن أجعله يفهم: المسألة ما مسألة موضوع.

قال ساخرا: يعني حب؟ ما في مرة تانية تحبها؟ معليش عايز أفهم.

قلت له محاولا أن أجعله يفهم: في، في كتير، ولكن.

قال لي محاصرا مقاطعا بطريقة غريبة مدهشة، وغير مفهومة: آها، شنو اللي في ألم قشي، وما في مرا تانية «أخرى» غيرها؟

قلت له محاولا بإحساس العاجز عن الشرح: ما عارف، حقيقة ما عارف.

قال لي بيقين راسخ، وأعصاب باردة: أنا عارف.

قلت له بسرعة: قول لي ليه، أنا ما عارف.

قال لي وهو ينظر للبعيد، وكأنه يتحدث مع الفراغ الشاسع حولنا: ألم قشي دي جنية، امرأة من الجن.

نامعلوم صفحہ