انسان: بارہ عورتیں ایک کوٹھری میں
الإنسان: اثنتا عشرة امرأة في زنزانة
اصناف
آپ کی حالیہ تلاش یہاں نظر آئے گی
1 - 288 کے درمیان ایک صفحہ نمبر درج کریں
انسان: بارہ عورتیں ایک کوٹھری میں
نوال السعداوي d. 1442 AHالإنسان: اثنتا عشرة امرأة في زنزانة
اصناف
لبيبة (في تحذير) :
بس خلي بالك، ممكن يكون عندها مرض جلدي وتعديكي!
عزة (ضاحكة) :
تعديني تعديني، عشان تكمل، مش ناقصنا غير الأمراض التناسلية. (لبيبة لا تضحك، يبدو عليها القلق.)
لبيبة :
أنا شخصيا لا يمكن ألمس حاجة من بتاعتهم. مش ضروري نلف شعرنا ونعمل حواجبنا هنا؛ هو احنا بنشوف حد. أنا مابصتش في وشي في مراية من ساعة ما جيت. نسيت حتى شكل وشي إيه؟ متهيأ لي إن شكلي بقه يخوف. إذا فتحوا الزيارات وجه جوزي يزورني مش هأقابله.
عزة (ضاحكة) :
أقابله أنا يا ستي. أنا شخصيا معجبة بجوزك من زمان وماعنديش مانع تفضلي أنت هنا وأروح أنا أقابله!
بسيمة (ضاحكة) :
دي لبيبة كانت تقتلك وتاخد فيك تأبيدة. وعلى رأي زوبة، مجرد نقلة بسيطة، بس المرة دي بقه من عنبر السياسيات لعنبر القتالات.
نامعلوم صفحہ