خليفة :

ماهو غلب فوق الدماغ. يعني موش كفاية صريخ الست وخناق الأفندي لما كمان ابقى ملزوم بكنس وساخة الأرانب والوز والكلاب. طيب المندرة دي أنا باقفلها طول النهار، مين بس بيفتح الباب ويخلي الحيوانات دي تدخل هنا؟! (تدخل هانم.)

هانم :

العوافي يا عم خليفة.

خليفة (بغضب) :

مين اللي بلا قافية فتح المندرة وخلا الكلاب والأرانب والوز يدخلوا هنا يوسخوا الأرض؟

هانم :

إخص عليك يا عم خليفة! بقى بدل ما ترد السلام تقوم تفتح حلقك وتغجر. هو أنا عملت لك حاجة؟ يعني زعلان قوي من الكلاب! اسكت اهو عمك فوكس عيان.

خليفة :

عيان إيه وموش عيان إيه؟

نامعلوم صفحہ