دستورك معك يا حاجة مبروكة (مبروكة تدخل) .

مبروكة (تدخل) :

يو! دانتي يا عيني بسم الله ما شاء الله! يا صباح النور عليكي، ازيك يا ستي بنبة! بعد الشر عليكي! كنا سمعنا انك من غير شر العدوين ما انتيش ناصحة، ازيك دلوقت موش أحسن؟

بنبة :

الحمد لله.

مبروكة :

الصلا على النبي أحسن! دا نهار مبارك، والله لو كنت منك يا ستي لاعلق لي حتة شبة واتبخر بفاسوخ؛ لاجل ما تخزي العين عنك؛ لأن اللي صابتك يا كبدي دي عين يا قلبي، لما بتخرجي والناس بتشوف وشك دا اللي زي طبق الورد بتشهق فيكي العين، يخي الله يجازي اولاد الحرام. يعني بيجي لهم إيه من الأذية دي؟! يا ترى راح يخسروا حاجة إن كانوا يصلوا على النبي؟! أما بركة يا ستي اللي قمتي بالسلامة، دا ألف نهار أبيض اللي كدتي العدوين وخطرتي في قصرك متل عاداتك، دانتي يا عشتني ما لكيش حبايب، يخي ربنا أولى ومطلع لكي؛ يعني انتي عاوزاهم في إيه خيرك بزيادة وبيتك مخزون من كله، ربنا يجعله عمار بحسك ولا يحرمني من شبابك يا رب.

بنبة :

انتي نسيتي تجيبيلي فاتورة الحرير اللي قلت لك عليها؟

مبروكة :

نامعلوم صفحہ