ما تآخذونيش يا أسيادي ... أنا ما كنت شايفاكم ... أنا كنت بفتكر في حاجة شاغلاني.

عبد الله :

لا يا ستي ... أهو حال الدنيا كده ... وكل من كان له شغله ملهي فيها.

فطومة :

يا هل ترى يمكنيش أساعدك في الحاجة اللي أنت مشغول بها.

عبد الله :

يمكن يا ستي ... إذا دورنا نلتقي حكيم يوصف دوا لبنت سيدنا ... لأنها المسكينة اللي جاها مسك لسانها ... ولا خلت ولا حكيم إلا لما وصف لها وصفة ... ولكن بردها على حالها ... وأدينا دايرين ندور ... إياك نعتر في حد يعمل لها حاجة ... إياك على الله يكون آن الأوان.

فطومة (تقول بصوت واطي) :

الحمد لله اللي عترني في طريقة أخلص بها تاري من جوزي الملعون ده (ثم تقول بصوت عالي)

والله يا أسيادي إنكم إن لفيتو الدنيا ما تلاقوا زي الراجل ده اللي أنا عارفاه ... لأنه يعرف في كل شيء ... وإن شاء الله يكون آن الأوان.

Bilinmeyen sayfa