الباشا :

يا ستي القرش الأبيض ينفع في اليوم الاسود. الناس بتقول علينا أغنيا ولكن مين عارف يمكن نفتقر. تعرفيش أنا طردت إمبارح الحاج عارف ليه؟ عشان سرق شوية برسيم. أما الخدامين، أعوذ بالله منهم، دول شياطين.

عزيزة :

صحيح يا باشا.

الباشا (يجلس مربعا) :

تعرفي يا هانم. إيه اللي جرى لي النهاردة. هنيني يا شيخة واللا تعالي بوسيني كمان. دنا نلت اللي كنت عاوزه.

عزيزة :

إيه يا باشا؟

الباشا :

أجرنا عزبة أبو حمد بزيادة أربعه جنيه كل فدان يعني الفدان بقى بتلاتين جنيه.

Bilinmeyen sayfa