الدادة :

والأستاذ ماجد؟ ما انتو برضه ربيتوه وصرفتم عليه وعملتوه محامي أد الدنيا.

الأم :

ما له ماجد؟ اتجوز واحدة ست وعايش معاها.

الدادة :

عرفت تقعدي عنده ليلة واحدة ؟

الأم :

وهو ما له؟ دي مراته اللي مش بتحب حد من عيلته يزوره. بكرة سعاد لما تتجوز رخره نطلع ونعيش وحدنا يا أم علي. (تدخل سعاد وتسمع هذه الجملة الأخيرة.)

سعاد :

إيه الكلام ده يا ماما؟ إنت مش حتعيشي لوحدك أبدا طول ما انا عايشة. ولا داده أم علي. ثم إني مش حتجوز تاني أبدا. (سعاد تحمل خالد وتقبله في حنان.)

Bog aan la aqoon