رجعوا؟! أمال هو فين؟ يا خوفي ليكون جرى له حاجة! يادي المصيبة اللي جايالي! يادي الكارثة!

سعاد :

لا يا تانت ما تخافيش. اطمني. محمود عايش وبخير. الطلبة اللي اتقتلوا في القنال عارفاهم واحد واحد. (وجه الأخت وهي تحاول أن تفهم.)

الأم :

واسمه مش فيهم يا سعاد يا بنتي؟ قوليلي والنبي. طمني قلبي، ربنا يطمن قلبك.

سعاد :

لا يا تانت اسمه مش فيهم. (وجهها يعبر عن القلق والهم والألم.)

الأم :

أمال يعني ما رجعش ليه؟ ليكون متعور والا حاجة ومش قادر يرجع. أو مرمي هنا والا هنا رمية الكلاب. آه يا غلبي ياني! كده يا محمود توريني المر طول عمري! مش كفاية العذاب والشقا اللي انا فيه؟! (الأم تنشج بالبكاء.) (الأخت تبكي معها وتربت عليها.) (سعاد تحاول تهدئة الأم.)

سعاد :

Bog aan la aqoon