الشيخ متلوف‏

أسماء المشخصين‏

الفصل الأول‏

الفصل الثاني‏

الفصل الثالث‏

الفصل الرابع‏

الفصل الخامس‏

الشيخ متلوف‏

أسماء المشخصين‏

الفصل الأول‏

Bog aan la aqoon

الفصل الثاني‏

الفصل الثالث‏

الفصل الرابع‏

الفصل الخامس‏

الشيخ متلوف

الشيخ متلوف

تعريب

محمد عثمان جلال

الشيخ متلوف

وهي قطعة مركبة من خمسة فصول

Bog aan la aqoon

كم غبي مذبذب يتوارى

وإذا بان بان وهو مرائي

لا إلى هؤلاء إن نسبوه

يجدوه ولا إلى هؤلاء

أسماء المشخصين

الست أم النيل:

والدة غلبون.

غلبون:

زوج أنيسة.

أنيسة:

Bog aan la aqoon

زوجة غلبون.

سامي بن غلبون:

من غير أنيسة.

مريم بنت غلبون:

من غير أنيسة.

أحمد نبيه:

عاشق مريم.

سلمان:

أخو أنيسة.

الشيخ متلوف:

Bog aan la aqoon

منافق وعامل صالح بالكذب.

بيهانة:

خادمة مريم.

عبد العال:

قواس.

واحد عسكري:

جاويش.

كعب الخير:

خادمة الست أم النيل.

الفصل الأول

Bog aan la aqoon

واللعب في بيت غلبون

المنظر الأول (الست أم النيل وأنيسة ومريم وسلمان وسامي وبيهانة وكعب الخير)

الست أم النيل :

يالله بنا نروح قوام يا كعب الخير

دولا جماعة الكل ما فيهمش خير

كعب الخير :

هوا جرى حاجة هنا يا ستنا

حتى نروح برا ونترك بيتنا؟

أم النيل :

كتر الكلام ما لوش نفع يالله بنا

Bog aan la aqoon

راح أقعد أتلفت هناك ولا هنا

كعب الخير :

بس الخروج دا ليه وأنا شايفة الجميع

من تحت أمرك كلهم سميع مطيع؟

والكل تحت اليد فللي تأمريه

تقدمي اللي تقدميه وتأخريه

أم النيل :

لا والنبي ما أقعد ولا بقيت أقيم

دي مش معيشة دا مرض وعذاب أليم

ريقي نشف ما حد سامع كلمتي

Bog aan la aqoon

حتى لساني ما دخل في شفتي

حمام بلا ميه وأنا في وسطكم

عاملة عرافشة هو أنا مش ستكم؟

بيهانة :

هو حد قال حاجة ولا اتنفسم؟

دي كتمة إيه! والله المساكين يفطسم

أم النيل :

وكمان خدامة وتتحاكي معي

يالله قوام من بيت ابني اطلعي

في كل يوم حلقك علينا تفتحي

Bog aan la aqoon

وتغجري لي بالعجل وتقبحي

سامي :

بس إيش جرى؟ ... ... ... ...

أم النيل : ... ... ... ... اخرص وإلا أقول لبوك

هما اللي كانوا علموك ما أدبوك

تحكي كلام فارغ هنا ما تختشيش

هو انت سكران بس أو واكل حشيش؟

مريم :

يو بس ما لك؟ ... ... ...

أم النيل : ... ... ... ... اسكتي أوعي تنطقي

Bog aan la aqoon

أما صحيح إن الشقي عمره بقي

يا ساهية من تحت راسك كل ده

هو حد زيك في البنات يعمل كده

أنيسة :

ما لك كده؟ ... ... ... ...

أم النيل : ... ... ... بس اسكتي في عرضك

آه إن عملتي ما عملتي برضك

حق اللي زيك عاقلة ومأدبة

ديما لحاجة بيتها مرتبة

وبس في اللبس الكويس فالحة

Bog aan la aqoon

وتخرجي طول النهار يا قارحة

شفنا النساء الأحرار ما يزينوا

إلا لأزواجهم ولا يتبينوا

سلمان :

وبعد دا كله؟ ... ... ...

أم النيل : ... ... ... بقا انت التاني

اللي حكيناه راح نعيده تاني

شوف أم أقول لك يا جدع بالمرة

اسكت ولا قوم واخرج برة

غلبت ساكتة لك وانت برضك

Bog aan la aqoon

حشم شوية واختشي في عرضك

خلي الوداد ما بيننا متاصل

وإلا أقول لابني وأزعل واصل

سامي :

ما حد مبسوط عندنا إلا الفقي

يبحث على الرايق ومنه يستقي

أم النيل :

طيب كماني والفقي دا ما له

راجل مصلي متقي في حاله

واجب عليك إنك تقبل يده

Bog aan la aqoon

وتستمع قوله وتبقى عبده

وإن كنت تتجنن وتغلط مرة

في حضرته لأغضب عليك بالمرة

سامي :

إيش الكلام ده مين هنا يتحمله؟

دايما مبوز واللي جاله تلتله

قاعد ومتحكم وعامل محتسب

والله قليل بس الراجل ده إن كسب

بيهانة :

ومقمط الحكمة وطالع فيها

Bog aan la aqoon

وإن شاف لعبة بالعجل يخفيها

وإذا رأى واحد يهزر يشفره

ويطلع أخلاقه عليه ويكفره

أم النيل :

الحق بيده دا بطل من الفحول

جسمه صبح من العبادة في نحول

ومقصد ابني تسمعوا كلامه

وتلزموا كل الحيا قدامه

سامي :

والله أبويا أبدا ما يمكنه

Bog aan la aqoon

من كل أغراضه بنا يمكنه

ولا أشوف ذاته ولا أقعد معه

وإن كان يتكلم أنا ما أسمعه

لا بد لي عن يوم أوريه دا القبيح

وأفرجه إن كان مذبذب أو صليح

بيهانة :

أما عجايب عندنا وعار كبير

راجل فقير يجي هنا يعمل أمير

ما يفتكر لما دخل حافي هنا

وجبته من العرق مدهننا

Bog aan la aqoon

والحتة القفطان كلها رقع

وأكمام قميصه مقرقفة من البقع

قوام نسي أصله وحالته تغيرت

وبعدها نفسه علينا تكبرت

أم النيل :

إش وصلك برضه أمير طاهر نضيف

ريحته ترد الروح وملبوسه ظريف

صالح يخاف الله وحالته باهرة

يحكم عليكم بالنفوس الطاهرة

بيهانة :

Bog aan la aqoon

والله يا ستي صلاحه ده نفاق

والخبث والتزوير فيه بالاتفاق

أم النيل :

إش وصلك تحكي؟ ... ...

بيهانة : ... ... ... ومين يستأمنه

لما يجيب واحد أمين ويضمنه؟

أم النيل :

الشر بره هوا خدام ينضمن

دا سيد أمير عاقل مؤدب مؤتمن

لكن من يحكي ولو على أبوه

Bog aan la aqoon

ويقول على الدغري قوامك تكرهوه

هوا عدوه المذنبين ويا الذنوب

ولا يحب إلا الشقي يومن يتوب

بيهانة :

وليه يغير لما يشوف واحد يجي

إن كان زايرنا وإلا مرتجي

له بس كم يوم في الأماير دي طلع

وكلما يشوف حد زاير ينفقع

بدي أقول لك حين نكون لوحدنا (وتشاور على أنيسة.)

اليوم بشوفه يغير كتير على ستنا

Bog aan la aqoon

أم النيل :

اتفكري في اللي تقوليه واخرصي

أوعي تزيدي في الكلام وتنقصي

واجب عليه إنه ينقمر بالكلام

على الرجال اللي يجونا في زحام

وكل يوم على الباب حمير بلا عدد

وكلهم مستخدمين وأولاد بلد

وأغلب الجيران ضجت مش مليح

وإن كان أكترهم يحبونا صحيح

لكن كلام الناس من زيد أو شعيب

Bog aan la aqoon

في حقنا بالله عليكم موش عيب

سلمان :

يبقى على دا أمال نبطل دا الحديت

ونفض أكل اللحم مع شرب النبيت

وإن جا حبيب يسأل علينا نطرده

من شان كلام الناس وعنا نبعده

لو كان علينا ألف سور من النحاس

وإلا فداوية تقول بالسيف حاس

برض الكلام ما ينقطع وأحسن لنا

نعوم ونحرس في المياه تيابنا

Bog aan la aqoon