الحاج :

جرى إيه يا قمحاوي؟ جرى إيه يا سنباطي افندي؟ يا اخوانا جرى إيه؟ تعالى يا قمحاوي. يا راجل اعقل.

السنباطي :

سيبه. سيبه وانا اكري عشر رجالة.

الحاج :

تعالى يا قمحاوي، ياخي ما يبقاش عقلك صغير. (يذهب إليه ويحضره.)

قمحاوي (يرجع) :

والنبي موش علشان حاجة بس علشان خاطر ما فيش رجل غريبة تنحط في قطني. اطلع يا واد كمل الكيس. وحياة الختمة الشريفة، ما عنت خابط فيها ولا خبطة. عايز يجيب عشر رجالة يلغوصوا في قطني؟

السنباطي :

بلاش يمين الختمة ده يا قمحاوي. ما كل سنة بتحلف، وكل سنة بتوقع اليمين.

Bog aan la aqoon