صدق المثل واللي قال ... التور يغِلّب حرَّاته
لعب القمار كله خسارة ... لك يسيدي مين يفهم
إن حد قال ارجع يكفيك ... واللي يروح خليه مصرور
ولاَّ اصرفه فصْاَلح بيتك ... بعد الخراب يصبح معمور
يزعل ويتخلق ويقول ... دا بس ظهري كان مكسور
دعنْا يسيدي بحياتك ... القصد أنا بدي اتعِلّمْ
يفضل على الألعاب عاكف ... ولا يقف عند حدوده
يرمي الجنيه ووراه عشرة ... فرحان بكثرة موجودة
وعندما يفض خالص ... يطلع يناجي معبوده
محلاه كده لما يسأَل ... اقصد كريم والرب اكرم
يفضل يحوس زي المجنون ... على الفلوس نشفان ريقه
وعندما يعكم قرشين ... من أجنبي ولاَّ صديق
على القمار يطلع يجري ... مش مفتكر ساعة ضيقة
يحطهم لما يروحوا ... يرجع كما كان يتلطم
يشوف كده ولا يرجعشي ... القصد قال عاوز يكسب
كلام بعيد ميطلهوشي ... ابدًا ولو ركب الأشهب
لكن شطان بيحسن له ... والنجم تحصيله اقرب
إ كان ينام مقدار ساعة ... بالتسعة لسباتي يحلم
يا ما القمار ضيع أملاك ... وأواني كانت مخزونة