سالمة :

خلاص مش زعلانة، أصلك كده عاجباني قوي، وكنت مستخسراكي، والحمد لله طلعت مسلمة. (سالمة تسير وتدخل دورة المياه.) (علية تجلس إلى جوار عزة.)

علية :

إيه حكاية مسلمة ومسيحية دي؟

عزة :

اسكتي احنا هنا مش في سجن، احنا في مرستان. (عزة تنظر إلى علية. علية يبدو عليها الألم والحزن.)

عزة :

وانت يا علية، عملوا فيكي إيه؟ وعملت إيه في ابنك؟ ده انت لسه والدة قريب. هو عمره كام دلوقت؟

علية (في ألم) :

بكرة يبقى أربعة وأربعين يوم.

Bog aan la aqoon