فرفور :

بربشت، بربشت.

السيد :

وبجحت وجحشت وباينك حترفص كمان، إنت شوية شوية تعملني أنا فرفور وانت سيد.

فرفور :

وحيجرى إيه يعني إذا حصل. حتنطبق السما على الأرض؟ حتقوم القيامة؟ حترجع السيجارة بمليم؟

السيد :

تنطبق السما معقول، تقوم القيامة جايز، إنما ترجع السيجارة بمليم ورطل اللحمة بخمسة تعريفة وتبقى انت سيد وأنا فرفور، ده اللي لا يمكن يحصل.

فرفور (مقلدا إياه) :

ده اللي لا يمكن يحصل، (ثم يغضب)

Bog aan la aqoon