عويس :
ها، بقى عبيط! وقاعدة يا أختي مع مين كده جوه البيت؟
زينب :
قاعدة لوحدي يا سعادة البيه، أبويا ما يجيش إلا العصر وما أقدرش أنزل هنا دي الوقت لحسن الحمام في الساعة دي علشان الرجالة، بس أنا شفتك من الشيش قلبي اتولع في حبك وجيت علشان أتملى بك.
عويس (بفرح) :
يا سلام! بقى حبتيني قوي، ليه؟ شايفة وشي يعني ...
زينب :
زي القمر.
عويس (بتهيج) :
وانتي والله أحسن من القمر، انتي زي الشمع الأبيض، زي كوز العسل، زي القشطة، يا سلام، أمال مجوزة والا لسه بنت بنوت؟
Bog aan la aqoon