م. الأول :
محمد الأول محمد الطيب محمد قارون يا افندم.
الدكتور (واضعا القلم) :
استنى بقى استنى، إيه حكاية أساميكو دي؟ يعني لازم تقول لغاية جدك الخامس؟
م. الأول :
أبدا يا افندم ده كله اسمي لغاية الجد الأول بس. إحنا تلات اخوات ، والتلاتة اسمنا محمد، أنا الكبير اسمي محمد الأول، والوسطاني اسمه محمد التاني، وده الصغير اسمه محمد التالت.
الدكتور :
طب وإيه حكاية محمد الطيب محمد قارون؟
م. الأول :
برضه نفس الحكاية مع أبويا وجدي، أبويا اسمه «محمد الطيب»، وأخوه الثاني كان اسمه «محمد الطاهر»، والثالث «محمد الطالب»، والرابع «محمد الطانب»، ولينا جدين أخين محمد قارون اللي عمل فرع عيلتنا، ومحمد هارون اللي عمل الفرع بتاع اسكندرية.
Неизвестная страница