رجال التشخيص‏

القطعة الأولى‏

القطعة الثانية‏

القطعة الثالثة‏

رجال التشخيص‏

القطعة الأولى‏

القطعة الثانية‏

القطعة الثالثة‏

مدرسة الأزواج

مدرسة الأزواج

Неизвестная страница

تأليف

محمد عثمان جلال

مدرسة الأزواج وهي ثلاثة قطع.

إن تكن المرأة ذات خفة

ولم تكن أصيلة في العفة

فحبسها أو حجزها لا ينفع

لأنها من كل باب تطلع

رجال التشخيص

أمين وأدهم:

أخوين.

Неизвестная страница

ظريفة وبدور:

أختين.

حسنة:

خدامة بدور.

نصير:

عاشق ظريفة.

إبراهيم:

خادم نصير.

واحد:

معاون.

Неизвестная страница

واحد:

مأذون.

القطعة الأولى

المنظر الأول (أمين وأدهم)

أمين :

يكفا كلام في كل ساعة يا جدع

كتر الكلام مع النزاع ما له نفع

أعيش على كيفي ولا اختص بك

وانت كماني عيش زي ما يعجبك

ولو تكون في العمر أكبر برضنه

Неизвестная страница

الاتنين بعون الله نعرف بعضنه

واكتر كلامك بوش أنا ما أسمعه

والرأي لو تعطيه صائب ما اتبعه

وفر على روحك كلامك بعد ده

أنا كتير مرتاح من العيشة كده

أدهم :

الناس كتير على دي المعيشة ينبطم

أمين :

بس المجانين اللي زيك يسخطم

أدهم :

Неизвестная страница

وصل جميلك والسفه ما هو مليح

أنا كفرت اللي بقول لك علصحيح؟!

أمين :

حيث إنها وصلت معاك للحد ده

وغلبت تحكي لي وانا ساكت كده

قل لي بقا عللي سمعته واوصفه

على شان انا لاخر أموزه واعرفه

أدهم :

أهو جمود الطبع اللي فيك ظهر

مع الحماقة والنفور اللي اشتهر

Неизвестная страница

خليت جميع الناس تضرب بك المثل

حتى الهدوم اللي عليك طلعت شضل

أمين :

بدك أوافقكم وللموضة امتثل

وكل ساعة باللونضة اغتسل

والبس قميص مكوي وحتت بنطلون

وكل ساعة أشتري من كرتلون

وأقلد اصحابك بسترة وانزنق

ورباط للرقبة وزيك انخنق

واقنعر الطربوش واغطي جبهتي

Неизвестная страница

واسبسب الشوشة وابين قصتي

واشك لي استيك ولو انه شكك

واشرب سجارة من ورق وارمي الشبك

وابطل المركوب وألبس لستكة

واقعد على القهوة وأشرب مستكة

واستعمل البدرة وأحلق لحيتي

وفي سرير أنعس وابطل فرشتي

ان كان بدولي أعجبك دا شيء خفيف

إياك ابقا زيكم واحد لطيف

أدهم :

Неизвестная страница

القصد تبقا زي غيرك في البلد

من خوف لا ينقد عليك منهم أحد

وتوافق العالم على ما هم عليه

أيوا المخالفة والمفارقة بس ليه

إن بدلوا الموضة تبدل زيهم

لا تكون واصل قبلهم ولا بعدهم

ولا تدقق زي بعض الناس كتير

وبدال لبس القطن تلبس لك حرير

وتحطلك كفة وجبرة في الدلاب

مش كل ده معدود من رأي الصواب

Неизвестная страница

بس انت زي الناس اعمل حيث كان

بدك تخالف لجل ما يقولوا: فلان

أمين :

واسمك كبير عني وتحكي دالحديت

الشيب على راسك ولسا ما دريت

تفضل لإمتا يا أخي تنتفع كده

حشم شوية حيث بلغت العمر ده

أدهم :

هوا كمان دا ذنب تنك تمسكه

وكل من شابت دماغه تهتكه

Неизвестная страница

وكل ما تشوفني مصلح أو نضيف

أو بس لابس طقم أو طربوش لطيف

تقعد تعزرني وتلزمني السكوت

هو كل شايب عندكم لازم يموت؟!

ولا يدان لابس هدوم موسخة

ومن العماص تصبح عيونه منفخة

أمين :

من حيث كان أنا هدومي كلها

جيا على قدي وانا مبسوط بها

ما دام طربوشي على راسي فسح

Неизвестная страница

وكل ما يقدم أهو بينمسح

وجبتي من جوخ صايه للدفه

ونعل مركوبي شبيه القلحفة

اللي اعجبه يسكت واللي ما اعجبه

يغمض العينين لما أمر به

المنظر الثاني (بدور وظريفة وحسنة، ويكون أدهم وأمين واقفين بعيد عن الناس في آخر التياتر، ويتحدثوا مع بعض بشويش.)

بدور (لظريفة) :

ما لك كده يختي صبح حالك عدم؟!

حسنة (لظريفة) :

من حبستك في البيت صبح ما فيكي دم

Неизвестная страница

ظريفة :

أهو كده طبعه ... ... ...

بدور : ... ... ... وليه يعمل كده؟!

حسنة (لبدور) :

لكن أخوه طبعه جميل مش زي ده

والله يا ستي إن بختك جا عدل

اللي ما جا في وقعتك راجل رذل

بدور :

على الخصوص اليوم معرف اش دعاه

لا سك لي ضبة ولا خدني معاه

Неизвестная страница

حسنة :

يسك بيتك ليه سكه كبتين

أمين (وهو ماشي يقابل بدور) :

ما لك كده يا بنت رايحة بس فين

بدور :

راح آخد أختي لجل نتفسح سوا

لابو السعود الجارحي نشم الهوا

أمين :

روحي انتي وحدك زي ما يكون يعجبك (ويشاور على حسنة الخدامة.)

وادي كمان واحدة معاكي تصحبك (ويقول لظريفة):

Неизвестная страница

أما انتي أوعي بس ملباب تطلعي

وإذا أردتي تخرجي يكون معي

أدهم :

وليه كده مش يخرجوا يتفسحم

طبع الشباب يجروا سوا ويرمحم

أمين :

كل الشباب اللي كده دول مجنين

لا بالشمال تأمن لهم ولا باليمين

أدهم :

طيب، على الفسحة تروح مع أختها

Неизвестная страница

أمين :

تخرج معايا بس إن كان بدها

أدهم :

دا مش كلام ... ... ... ...

أمين : ... ... ... شغلي أنا وأعرفه

واللي بيلبس توب أهو بينضفه

أدهم :

وخروجها مع أختها مين عيبه؟!

أمين :

أهو كل واحد يعمل اللي يعجبه

Неизвестная страница

دول مش يتاما وأبوهم قال لنا

هم في وصيتكم وعلقهم بنا

وقال تربوهم وإذا كبروا لكم

تجوزوهم أو تشوفوا شغلكم

وانت معك واحدة أهي اتكفل بها

وانا كمان زيك معايا أختها

دبر أمور اللي معك يا ألمعي

وأنا أدبر في أمور اللي معي

أدهم :

لكن بشوف ... ... ... ...

Неизвестная страница

أمين : ... ... ... وانا بشوف وخبرك

بصوت عالي أنصحك وادبرك

انتا تريد تمشي على رأي الحريم

وتجيب لها واحد أغا واسمه كريم

وتجيب لها كيخا وتخرج كل يوم

ويفوت عليها اليوم وهي ما تشوف نوم

وتقول حرية وتفضل في الكسل

وانت على قلبك أهو أحلى ملعسل

تعرف خلاصك يا أخي لكن أنا

بدي مراتي تنها قاعدة هنا

Неизвестная страница

تفضل أميرة عاقلة ومأدبة

ديما لحاجة بيتها مرتبة

تقعد تنقي قمح وتطبق غسيل

ولا تخيط في يلك كمه طويل

لا تستمع قالوا وقلنا لا ولا

لوحدها تخرج وتمشي في الخلا

أحسن كمان يحصل كده ولا كده

أنا مليشي قلب يحمل كل ده

وتكون سبب لي في الزعل أو الجنون

وتجد في راسي من الغفلة قرون

Неизвестная страница

حيث إنها هيا بقت في ذمتي

وبالكتاب لا شك تطلع حرمتي

واجب عليا اني أراقب ربها

ما دمت عند الناس بقيت مسئول بها

ظريفة :

واش أحوجك لده وده؟! ... ...

أمين : ... ... ... ... هس اخرسي!

أوعي تقولي بم أو تتنفسي!

بدور :

وتخاف على أختي إذا خرجت معي؟!

Неизвестная страница