ضمني لصدره بقوة، فتمسكت به لأني أنا من أخشى أن يتركني كما تركني غيره، نظر في عيني ومسح دموعي وقال: إيه لازمتها الدموع دي؟ - أنا كده، أفرح أبكي، أزعل أبكي، أحب أبكي، نكد بعيد عنك.

ضحكنا معا، فقلت له: عندي حاجة عايزة أطلبها منك. - عيوني عشانك. - تسلم عيونك، بس أنا عاوزة حاجة تانية، عاوزة بنوتة. - بنوتة إيه، مش فاهم؟ - عايزة أخلف منك بنوتة لما نسافر إن شاء الله. - ولو ولد هنرجعه؟ - أنا باتكلم جد. - وأنا جد أكتر منك، أنا بقى عاوز ست عيال، باقولك إيه تعالي نعمل بروفة. - إنت قليل الأدب. - أنا بحبك رغم إني طول عمري خايف أحب لأني باخاف من آلام الفقد جدا، فحرمت الحب على قلبي عشان ما يتوجعش، جيتي انتي لخبطتي كل كياني وخلتيني مش بس بحبك، لا باموت فيكي وبتمنى رضاكي، وهاموت لو بعدتي عني. - أنا كنت فاكرة إن قلبي نسي الحب، جيت انت وعرفتني إني ماعرفتش الحب قبلك، أنا بحبك بعقلي قبل قلبي، بحب احترامك لي، بحب إحساسي بالأمان معاك، بحب وجودك في حياتي، بحب كل تفاصيلك حتى تكشيرتك، اوعدني إنك هتفضل تحبني طول عمرك. - أوعدك إني هافضل أحبك، وحتى لو مشاعري اتغيرت هافضل أحترمك وأصونك وأتقي الله فيكي.

Неизвестная страница