قمحاوي :

إنما آني عايز حقي دلوقت حالا. عايزه حالا.

السنباطي :

وآني موش مستعد اديك حقك. وبعدين تيجي تصرف على الزرعية ما تقدرش. أروح آني فين ساعتها وآجي منين؟ وانت عارف كل سنة بيحصل كده. اشمعنى السنة دي يعني؟

قمحاوي (بزعيق هائل) :

بقا كل سنة أطلع من المولد بلا حمص يا ولاد؟ والله لاعمل شيخ منصر. والله ما عنت خابط فيها ولا خبطة. والله ما عنت زارع عندك. بطل يا وله، بطل يا ابن الكلب. اطلع من الكيس. اطلع يا وله. قدامي يا وليه على الدار. والله ما عنت خابط فيها ولا خبطة.

السنباطي (بضحكة صفراء أخرى) :

كل سنة بتعمل الموشح دا، وبعدين تجوع وترجع لي مدلدل ودانك. كل سنة ليك الدقة دي. يا أخي، إكرم الشيبة. إكرمها يا شيخ . اسمع، والله إن ما كملت حشي القطن لكاري عشر رجالة على حسابك يحشوه. سامع والا ما انتاش سامع؟ (قمحاوي وابنه وامراته في طريقهم للخارج.)

قمحاوي :

إكري إن شا الله تكري 100.

ناپیژندل شوی مخ