بسيمة :

الجاسوسة ممكن تدعي السذاجة عشان تغطي على نفسها.

علية :

ممكن، لكن ليه ماتكونش سالمة ساذجة بحقيقي؟ ممكن تكون صحيح مش عارفة حاجة. (نفيسة تتدخل فجأة في الحديث.)

نفيسة (بغضب) :

حد مش عارف هو في السجن ليه؟ علينا الكلام ده؟

علية :

أنا شخصيا مش عارفة أنا ليه في السجن. أنا عمري ما اشتغلت بالسياسة ولا دخلت حزب ولا لجنة ولا لي أي نشاط سياسي. مجرد قلت رأيي. أنا معرفش أنا هنا ليه.

عزة :

وأنا كمان معرفش أنا هنا ليه.

ناپیژندل شوی مخ