عزة :

يعني مرنة؛ يعني راسها مش ناشفة.

لبيبة (في غضب) :

علية طول عمرها راسها ناشفة زي الحجر، ودايما تجيب المشاكل لنفسها واللي معاها.

نجاة :

إنت خايفة يعملوا حاجة في ابنك؟ مش متهيألي إنهم ممكن يعملوا حاجة في طفل عمره أيام. كفاية حرموه من أمه. مش ممكن يعملوا حاجة أكثر من كده.

عزة (وهي شاردة في ألم) :

مافيش حاجة عندهم اسمها مش ممكن. كل حاجة ممكنة، وأي حاجة ممكنة، إنت ماعندكيش فكرة يا نجاة الناس دول شكلهم إيه وغضبهم شكله إيه، اسأليني أنا.

نجاة (في دهشة) :

مالهم ومال الولاد الصغيرين؟

ناپیژندل شوی مخ