زينب :

طيب والفوط حتعمل لك إيه بس؟

الحمامي :

حبيعهم واشتري شال كشمير أتلفع به واجيب طربوش مغربي منجله أصلي بشال استامبوللي، وعندك الجبة والقفطان اللي لطشهم الواد علي م العمدة اللي جه يستحمى ليلة العيد، دول يخلوني واحد زي أهل الخير الصالحين، يالله ناوليهملي.

زينب :

ولكن يا راجل إزاي تحلف اليمين قصاد القاضي بالكدب؟ إنت متخفش لينقلب على عينك يا بعيد؟

الحمامي :

مش من شئونك يا وليه، أنا ما أخوك أحمد شهدني عشرين شهادة زور في المحكمة ... وكانت الأشيا رضا، هو جديد علي؟

زينب :

ولما تبقى أعمى وتحسس (تضحك)

ناپیژندل شوی مخ