أنا ما يهمنيش واحد غني! أو حد ناجح!

الأم :

أمال يهمك ايه؟ سي محمود! تلميذ افندي اللي ما يعرفش يوكل نفسه!

سعاد :

إنتي عارفة يا ماما اني ما حبش حد يتكلم عن محمود كده. معقول اكون مخطوبة لواحد وبعدين يتأخر شوية أو تحصله أزمة اقوم اسيبه واخد واحد تاني عشان غني وسليم وناجح؟ بدل ما أقف جنبه واساعده واضحي عشانه؟

الأب :

الكلام اللي انت بتقوليه ده كلام نظري. كلام الواحد يقراه في الكتب بس. انما الواقع غير كده. لازم الراجل يكون كفء للجواز. ويكون كفء كمان للست اللي يجوزها. زائد ان الجواز مش بس الراجل. لازم يتبني على العقل والتفكير مش العواطف وكلام الكتب والخيال!

الأم :

إيه المناقشة الطويلة دي يا زغلول؟ إنت طري قوي مع البنت. ما فيش حاجة اسمها محمود. لازم الخطوبة تنفسخ. والدكتور محفوظ هو اللي حيجوزها. ما عندناش بنات يمشوا رأيهم! الناس تقول علينا إيه؟

سعاد (في غضب) :

Halaman tidak diketahui