م. التاني :
كده؟ طيب إذا كنت شجاع وشارب من لبن أمك صحيح اجدعن كده، وخطي خطوة واحدة وشوف إيه اللي حيحصل لك؟
الدكتور :
يا اخوانا ده مكتب صحة مش فيلم كاوبويز. يا أستاذ تاني عاجبك يعني المولد اللي إنت عامله ده؟ أنا بقول لك حأعمل لك اللي انت عايزه، إنت عايز إيه؟
م. الثاني :
الجدع ده ضحك عليك يا دكتور وأخويا ده مش مجنون ولا حاجة، ده عايز يدخله المستشفى بالزور عشان يعمل وصي عليه ويأخذ أرضه.
الدكتور :
والمطلوب إيه؟
م. الثاني :
تسحب سيادتك الورق منه وتبلغ فيه البوليس وتمنعه إنه يخرج؛ لأنه لو خرج يبقى علينا العوض في محمد الثالث وأرضه.
Halaman tidak diketahui