رجال التشخيص‏

القطعة الأولى‏

القطعة الثانية‏

القطعة الثالثة‏

رجال التشخيص‏

القطعة الأولى‏

القطعة الثانية‏

القطعة الثالثة‏

مدرسة الأزواج

مدرسة الأزواج

Halaman tidak diketahui

تأليف

محمد عثمان جلال

مدرسة الأزواج وهي ثلاثة قطع.

إن تكن المرأة ذات خفة

ولم تكن أصيلة في العفة

فحبسها أو حجزها لا ينفع

لأنها من كل باب تطلع

رجال التشخيص

أمين وأدهم:

أخوين.

Halaman tidak diketahui

ظريفة وبدور:

أختين.

حسنة:

خدامة بدور.

نصير:

عاشق ظريفة.

إبراهيم:

خادم نصير.

واحد:

معاون.

Halaman tidak diketahui

واحد:

مأذون.

القطعة الأولى

المنظر الأول (أمين وأدهم)

أمين :

يكفا كلام في كل ساعة يا جدع

كتر الكلام مع النزاع ما له نفع

أعيش على كيفي ولا اختص بك

وانت كماني عيش زي ما يعجبك

ولو تكون في العمر أكبر برضنه

Halaman tidak diketahui

الاتنين بعون الله نعرف بعضنه

واكتر كلامك بوش أنا ما أسمعه

والرأي لو تعطيه صائب ما اتبعه

وفر على روحك كلامك بعد ده

أنا كتير مرتاح من العيشة كده

أدهم :

الناس كتير على دي المعيشة ينبطم

أمين :

بس المجانين اللي زيك يسخطم

أدهم :

Halaman tidak diketahui

وصل جميلك والسفه ما هو مليح

أنا كفرت اللي بقول لك علصحيح؟!

أمين :

حيث إنها وصلت معاك للحد ده

وغلبت تحكي لي وانا ساكت كده

قل لي بقا عللي سمعته واوصفه

على شان انا لاخر أموزه واعرفه

أدهم :

أهو جمود الطبع اللي فيك ظهر

مع الحماقة والنفور اللي اشتهر

Halaman tidak diketahui

خليت جميع الناس تضرب بك المثل

حتى الهدوم اللي عليك طلعت شضل

أمين :

بدك أوافقكم وللموضة امتثل

وكل ساعة باللونضة اغتسل

والبس قميص مكوي وحتت بنطلون

وكل ساعة أشتري من كرتلون

وأقلد اصحابك بسترة وانزنق

ورباط للرقبة وزيك انخنق

واقنعر الطربوش واغطي جبهتي

Halaman tidak diketahui

واسبسب الشوشة وابين قصتي

واشك لي استيك ولو انه شكك

واشرب سجارة من ورق وارمي الشبك

وابطل المركوب وألبس لستكة

واقعد على القهوة وأشرب مستكة

واستعمل البدرة وأحلق لحيتي

وفي سرير أنعس وابطل فرشتي

ان كان بدولي أعجبك دا شيء خفيف

إياك ابقا زيكم واحد لطيف

أدهم :

Halaman tidak diketahui

القصد تبقا زي غيرك في البلد

من خوف لا ينقد عليك منهم أحد

وتوافق العالم على ما هم عليه

أيوا المخالفة والمفارقة بس ليه

إن بدلوا الموضة تبدل زيهم

لا تكون واصل قبلهم ولا بعدهم

ولا تدقق زي بعض الناس كتير

وبدال لبس القطن تلبس لك حرير

وتحطلك كفة وجبرة في الدلاب

مش كل ده معدود من رأي الصواب

Halaman tidak diketahui

بس انت زي الناس اعمل حيث كان

بدك تخالف لجل ما يقولوا: فلان

أمين :

واسمك كبير عني وتحكي دالحديت

الشيب على راسك ولسا ما دريت

تفضل لإمتا يا أخي تنتفع كده

حشم شوية حيث بلغت العمر ده

أدهم :

هوا كمان دا ذنب تنك تمسكه

وكل من شابت دماغه تهتكه

Halaman tidak diketahui

وكل ما تشوفني مصلح أو نضيف

أو بس لابس طقم أو طربوش لطيف

تقعد تعزرني وتلزمني السكوت

هو كل شايب عندكم لازم يموت؟!

ولا يدان لابس هدوم موسخة

ومن العماص تصبح عيونه منفخة

أمين :

من حيث كان أنا هدومي كلها

جيا على قدي وانا مبسوط بها

ما دام طربوشي على راسي فسح

Halaman tidak diketahui

وكل ما يقدم أهو بينمسح

وجبتي من جوخ صايه للدفه

ونعل مركوبي شبيه القلحفة

اللي اعجبه يسكت واللي ما اعجبه

يغمض العينين لما أمر به

المنظر الثاني (بدور وظريفة وحسنة، ويكون أدهم وأمين واقفين بعيد عن الناس في آخر التياتر، ويتحدثوا مع بعض بشويش.)

بدور (لظريفة) :

ما لك كده يختي صبح حالك عدم؟!

حسنة (لظريفة) :

من حبستك في البيت صبح ما فيكي دم

Halaman tidak diketahui

ظريفة :

أهو كده طبعه ... ... ...

بدور : ... ... ... وليه يعمل كده؟!

حسنة (لبدور) :

لكن أخوه طبعه جميل مش زي ده

والله يا ستي إن بختك جا عدل

اللي ما جا في وقعتك راجل رذل

بدور :

على الخصوص اليوم معرف اش دعاه

لا سك لي ضبة ولا خدني معاه

Halaman tidak diketahui

حسنة :

يسك بيتك ليه سكه كبتين

أمين (وهو ماشي يقابل بدور) :

ما لك كده يا بنت رايحة بس فين

بدور :

راح آخد أختي لجل نتفسح سوا

لابو السعود الجارحي نشم الهوا

أمين :

روحي انتي وحدك زي ما يكون يعجبك (ويشاور على حسنة الخدامة.)

وادي كمان واحدة معاكي تصحبك (ويقول لظريفة):

Halaman tidak diketahui

أما انتي أوعي بس ملباب تطلعي

وإذا أردتي تخرجي يكون معي

أدهم :

وليه كده مش يخرجوا يتفسحم

طبع الشباب يجروا سوا ويرمحم

أمين :

كل الشباب اللي كده دول مجنين

لا بالشمال تأمن لهم ولا باليمين

أدهم :

طيب، على الفسحة تروح مع أختها

Halaman tidak diketahui

أمين :

تخرج معايا بس إن كان بدها

أدهم :

دا مش كلام ... ... ... ...

أمين : ... ... ... شغلي أنا وأعرفه

واللي بيلبس توب أهو بينضفه

أدهم :

وخروجها مع أختها مين عيبه؟!

أمين :

أهو كل واحد يعمل اللي يعجبه

Halaman tidak diketahui

دول مش يتاما وأبوهم قال لنا

هم في وصيتكم وعلقهم بنا

وقال تربوهم وإذا كبروا لكم

تجوزوهم أو تشوفوا شغلكم

وانت معك واحدة أهي اتكفل بها

وانا كمان زيك معايا أختها

دبر أمور اللي معك يا ألمعي

وأنا أدبر في أمور اللي معي

أدهم :

لكن بشوف ... ... ... ...

Halaman tidak diketahui

أمين : ... ... ... وانا بشوف وخبرك

بصوت عالي أنصحك وادبرك

انتا تريد تمشي على رأي الحريم

وتجيب لها واحد أغا واسمه كريم

وتجيب لها كيخا وتخرج كل يوم

ويفوت عليها اليوم وهي ما تشوف نوم

وتقول حرية وتفضل في الكسل

وانت على قلبك أهو أحلى ملعسل

تعرف خلاصك يا أخي لكن أنا

بدي مراتي تنها قاعدة هنا

Halaman tidak diketahui

تفضل أميرة عاقلة ومأدبة

ديما لحاجة بيتها مرتبة

تقعد تنقي قمح وتطبق غسيل

ولا تخيط في يلك كمه طويل

لا تستمع قالوا وقلنا لا ولا

لوحدها تخرج وتمشي في الخلا

أحسن كمان يحصل كده ولا كده

أنا مليشي قلب يحمل كل ده

وتكون سبب لي في الزعل أو الجنون

وتجد في راسي من الغفلة قرون

Halaman tidak diketahui

حيث إنها هيا بقت في ذمتي

وبالكتاب لا شك تطلع حرمتي

واجب عليا اني أراقب ربها

ما دمت عند الناس بقيت مسئول بها

ظريفة :

واش أحوجك لده وده؟! ... ...

أمين : ... ... ... ... هس اخرسي!

أوعي تقولي بم أو تتنفسي!

بدور :

وتخاف على أختي إذا خرجت معي؟!

Halaman tidak diketahui