نصار :

وحازعل منك ليه يا كوثر؟

كوثر :

عشان قلت لي ما تخرجيش وخرجت.

نصار :

أيوة صحيح دا حصل ... إنما أنا مش زعلان من كده.

كوثر :

الله! أمال زعلان من إيه؟

نصار :

والله مانا عارف يا بنتي ... يمكن عشان منعت سعد. بس أنا لازم أمنعه، ولو ما منعتوش كنت زعلت قوي، فإزاي لما منعته أزعل، دي حاجة تجنن ... أنا منعته وأديت واجبي وأرضيت ضميري ونجي سعد وبقت الأشيا معدن والحمد لله، فأزعل ليه؟ حد يزعل لما يكون عمل اللي عليه؟ يمكن فيه حاجة تانية ... لازم فيه حاجة تانية هي اللي مزعلاني ... ما لك يا بت واقفة تبصي لي كده ليه؟ بتتفرجي علي ولا إيه؟ افرشي لي سجادة الصلاة. ما لي؟ بقيت فرجة يا ست كوثر. (كوثر تحضر السجادة وتفرشها قريبة من الباب الذي يدق عليه سعد.)

Halaman tidak diketahui