ليه وما يحصلش ليه.

السيد :

تبقى رواية تانية بقى تألفها انت.

فرفور :

أألفها وإيه يعني، إيه يعني يا سيدي أألفها؟ صعبة أوي دي.

السيد :

يا نهارك اسود ومنيل، ما تفوق لنفسك يا وله، إنت موش خايف حد يسمعك، تألف ازاي يا وله؟! بقى انت يا سنكوح يا دودة واقفة على حيلها يا فار ناقصه ديل عايز تألف وتبقى مؤلف؟!

فرفور :

وما أبقاش ليه، إذا كان على البنطلون أقصره، ولا أشمره، ولا إن غلبت فيه أقلعه خالص. وإذا كان على الرواية حيجرى إيه يعني؟ حالبخ؟ مهما لبخت موش حالبخ أكتر من تلبيخ صاحبنا بتاع المشهد الثالث في الفصل العاشر ده، والحلقات ... إلخ، إلخ.

السيد :

Halaman tidak diketahui