اخرص يا راجل ياللي مافيش في وشك دم. يا خاين ستك. ستك. ستك اللي لحم كتافك من خيرها ... ستك اللي علمتك النضافة. ستك اللي لبستك البدلة والبنطلون. خد خد (تضربه) .

عبد الستار :

جاي. جاي يا ناس. الحقني يا عفيفي. أنا أبوك يابني. الله ينعل أبوك، وابو اللي جابوك يابن الكلب. يا خليفة يا خليفة (يدخل خليفة) .

المشهد الثاني عشر (الحاضرون - خليفة)

خليفة :

الله . الله. عيب يا ست نفوسة عيب. دا بلا قافية جوزك.

عفيفي :

اوعى يا راجل. موش شغلك.

نفوسة (تكف عن الضرب وتلتفت لخليفة) :

وحياة النبي يا راجل إن ما سكت لأقرم ظورك.

Halaman tidak diketahui