أمال بيفهم في إيه يا ابني؟

محمود :

بيفهم ازاي يعمل ثروة. ويشتري عربية فخمة. ويعلق يافطه طول كده! (محمود يفتح ذراعيه على آخرهما.) (الأخت تنظر إليه باهتمام.)

الأم (في ألم) :

هو انت لسة بتقول الكلام ده؟ ما كافكش اللي حصل؟!

واحد غيرك كان يشيل عني الحمل ويريحني! مش عارفة إية اللي راكب دماغك؟ زي ما يكون حد عاملك عمل!

محمود :

ساخرا عمل؟! (يظهر وجه الأخت معبرا عن كلام الأم.)

الأم :

أيوه! كل الناس منتبهة لشغلها الا انت. اللي اتخرج اتخرج واللي اشتغل اشتغل. اشمعنى انت بس؟ إيه اللي مش عاجبك في الدنيا؟

अज्ञात पृष्ठ