سعاد :

طيب ورايح تنتحر ليه؟

سعد :

وحاعيش ليه؟ كل حاجة في عيني ما لهاش معنى. البيت ما لوش معنى. والكلية ما لهاش معنى. والشارع ما لوش معنى. يمكن الحرب تكون لها معنى. أهي حاجة جديدة. أهي تغيير هوا!

محمود :

يقف ويكلم سعد.

محمود :

اسمع يا سعد، إنت عارف اني مش باحب الهزار وقت الجد. احنا مسافرين بكرة الفجر ولازم نحضر نفسنا. اعمل كل الترتيبات واتصل بكل واحد في الكتيبة واديني خبر في البيت. اعتبر إن ده أمر! مفهوم! (سعد يضم قدميه ويخبطهما محدثا صوتا بحذائه، كما يفعل الجنود عند تلقي الأوامر، ويضرب بيده سلاما كالجنود.)

سعد :

مفهوم يا فندم! تمام يا فندم!

अज्ञात पृष्ठ