يا ريت يتوه عن السكة.

شفيقة :

أبدا، أبدا، البيت ميتوهشي، كل الناس عارفاه وبيجوني من آخر البلاد، بييجوا بيتي، كلهم عارفينه وبيشاوروا عليه، مفيش حد ميعرفوش، ترسينته إزاز، وشبابيكه مفتوحة، تطل ع الشارع، البيت ع الشارع، في وسط الشارع، مفتوح. (فترة)

الأب :

زمانه وصل أسيوط، ومعاه حاجة.

هنادي (تذعر) :

ملناش قعاد هنا (تتحرك إلى جانب شفيقة)

نمشي.

شفيقة :

كل الناس هتشاور وتقولوا على بيت شفيقة، أخته، كلهم دخلوه، الباب من بره مكسور.

अज्ञात पृष्ठ