الدكتور :
أنا وللا انتم؟ دا انتم باينكم هربانين من مستشفى العباسية، حتى أساميكم أسامي مجانين؛ إيه اللي محمد الأول ومحمد التاني ومحمد التالت، وشركة مظبوتكس ومينا ماركة مينا، والرصاصة اللي في المليان جابت انهيار عصبي، ودوا يوفر سبعين مليون، وأبوكو حرامي الامتحانات، وأمكم اللي اتجوزت عشان متهومة بالفلوس، والسكينة وعقدة الفرخة، وانتم نهاركم مش فايت النهارده. هات التليفون. (يجذب التليفون من الحاجز بين الغرفتين.)
م. الأول :
يا دكتور أرجوك هدي نفسك شوية، أيوه شفناها شفناها.
الدكتور :
شفتوها ما شفتهاش، أنا اللي علي لازم أعمله.
م. الثاني :
وشرفي وشرف سيادتك شفناها، وبالأمارة حضنتنا وباستنا.
الدكتور :
عشان تعرف بس إنك أكبر كداب، أهو ده ماحصلش.
अज्ञात पृष्ठ