لا يا دكتور؛ أصلهم كلهم بيكحوا. فيه حد ما بيكحش كحة طبيعية كده أو كحة سجاير.
د. شرف الدين :
لا، بس دي كحة من نوع تاني؛ زي ما يكون حاجة مشروخة في الصدر، وتالت يوم نفسهم ينكرش.
شهدي :
دي حاجة غريبة يا دكتور، تفتكر هم الأربعة ماتوا بعيا واحد؟
د. شرف الدين :
ده اللي مخوفني يا شهدي؛ وعشان كده لازم آخد عينة من الرئة المرة دي وأبعتها المعمل عشان تتفحص. هات لي مشرط يا شهدي.
شهدي :
حاضر يا دكتور. (يناوله المشرط. د. شرف الدين يكشف صدر الميت ويأخذ العينة.) (ظلام.)
المشهد الثاني (د. توفيق في مكتبه، جالس وأمامه الميكروسكوب، ينظر فيه. د. شرف الدين واقف إلى جواره.)
Shafi da ba'a sani ba