Bincikenka na kwanan nan zai bayyana a nan
Sura Mumazzaqa
Nawal Sacdawi d. 1442 AHالصورة الممزقة: رواية تمثيلية
ما فيش داعي يا سعاد تربطي حياتك بحياة واحد زيي. أنا بحررك من وعدك لي.
سعاد (في شدة) :
مش من حقك يا محمود انك تحررني من وعدي! ده وعدي أنا لك. أنا اللي أخذته على نفسي وأنا اللي أحرر نفسي منه! (في حب):
وأنا يا محمود متمسكة بوعدي لك.
محمود :
حتى بعد ما عرفت؟
سعاد :
دي مجرد أزمة يا محمود. طبعا نكسة الحرب وصدمة المعتقل مش هينة عليك. لكن أنا متأكدة انك قوي. وانك حتتغلب عليها. ما فيش حاجة في الدنيا يا محمود تقدر تسيطر عليك أو تغلبك! (محمود يمسك يديها ويقبلهما في حب.)
محمود :
سعاد! إنتي بترجعيني تاني للدنيا. بتشديني تاني للحياة. أنا يا سعاد ححاول أعيش تاني عشانك. ححاول بس يا سعاد أنا خايف!
Shafi da ba'a sani ba
Shigar da lambar shafi tsakanin 1 - 357