الأب (رافعا الملابس أعلى من رأسه) :

وهدومه آهي، هدوم القتيل الغريب، هدوم المغنواتي، هدوم حسن اللي قتلناه بالسكاكين، في الصيف من عشرين سنة.

الأم :

أنا اللي قتلته، وأنا بقول تعالوا كلكم خلصونا، واسمعوا اللي عملناه، الحاضر يبلغ الغايب (يتحركان حتى يختفيا، والناس تتعقبهما حتى يختفيا، ويختفي الجميع، وتخفت الإضاءة، ويعم الصمت فترة) .

نعيمة :

هربوا؟ (تتوقف متسائلة)

أبويا وأمي؟ (تتوقف)

هايعملوا فيهم إيه؟ هايقتلوهم؟ (تتوقف)

مش قادرين يعيشوا، هربوا! (تواجه السلالم)

هوا قال ده اللي حصل (تتوقف ... لنفسها)

Shafi da ba'a sani ba