فرفور :

لأ، ماعنديش.

السيد :

أمال رواية تانية إيه بقى.

فرفور :

اللي حنألفها احنا.

السيد :

أهو ده عيبك يا فرفور، إنك تيجي ساعة الجد وتهزر، نألفها إيه، هو احنا نعرف نألف جملة واحدة، كلمة حتى، لما عايزنا نألف رواية، وامتى؟ دلوقتي كده واحنا واقفين قدام الناس؟ نألفها كده ونندمج فيها ونمثلها وكل ده في وقت واحد، ليه، كانوا قالوا لك علينا عباقرة.

فرفور :

إنت بتعقدها أوي، دي بسيطة يا شيخ ولا عايزة عبقرية ولا حاجة، دا انت حتلاقيها سهلة بشكل.

Shafi da ba'a sani ba